Расце раскол паміж прыхільнікамі вайны і Уладзімірам Пуціным, яны сумняюцца ў яго здольнасці выконваць свае ваенныя абяцанні, піша амерыканскі Інстытут вывучэння вайны (ISW).
Расійскі ідэолаг Аляксандр Дугін адкрыта раскрытыкаваў Пуціна за тое, што ён здаў Херсон.
Пуціну цяжэй улагодзіць адэптаў вайны праз няздольнасць ягоных вайскоўцаў дасягнуць сваіх максімалісцкіх мэтаў у звяржэнні ўкраінскага ўрада і захопу ўсёй Украіны, піша ISW. Нацыяналістычна настроеныя прапагандысты, такія як Уладзімір Салаўёў, усё часцей патрабуюць ад Крамля і вышэйшага вайсковага камандавання выканаць свае мэты ва Украіне, а Салаўёў нават заклікаў да поўнай мабілізацыі і звальнення некампетэнтных чыноўнікаў пасля адступлення з Херсона. Прамая крытыка Пуціна ў праваеннай супольнасці амаль беспрэцэдэнтная, а гучная і недарэчная атака Дугіна на Пуціна можа паказваць на зрух сярод ідэолагаў рускага нацыяналізму.
Каналы, звязаныя з групай наймітаў «ПВК Вагнера», таксама незадаволеныя Крамлём з-за страты Херсона — гэта можа сведчыць пра далейшы рост уплыву сілавікоў. Некаторыя блогеры намякалі, што Крэмль «прадаў» Херсон, і адзначалі, што расійскія ўлады рэгулярна здаюць тэрыторыі, не пытаючыся людзей.
Расія, верагодна, незаконна дэпартуе тысячы ўкраінскіх дзяцей. Акупацыйныя ўлады Запарожскай вобласці ў апошнія тыдні зрабілі публічныя заявы аб планаваным прымусовым перасяленні больш за 40 000 дзяцей Херсонскай вобласці ў Расію і прызналі, што іх сістэмы догляду за ўкраінскімі дзецьмі неадэкватныя. Акупацыйныя ўлады дэпартавалі ўкраінскіх дзяцей у Расію ў рамках праграм навучання, адпачынку і іншых схем на працягу апошніх 10 дзён.
Загінуў беларускі добраахвотнік Васіль «Дзір» Рапіцкі11
Каментары
https://nashaniva.com/302961"
у Сібір?