Вясковых настаўніц аштрафавалі за падпіскі на экстрэмісцкія рэсурсы
Раённыя прапагандысты пачалі выкладаць відэа з асуджанымі за падпіску на старонкі незалежных інфармацыйных рэсурсаў, абвешчаных «экстрэмісцкімі». Сярод пакараных — дзве вясковыя настаўніцы, якія атрымалі штраф, паведамляе выданне «Флагшток».
Для відэа ў пабліку газеты Буда-Кашалёўскага райвыканкама жанчын прымусілі заклікаць іншых адпісацца ад такіх старонак.
Больш за тое, у публікацыі выдання райвыканкама змешчана непраўдзівая інфармацыя і запалохванне, быццам «падпіска — гэта ўжо элемент ўдзелу ў папулярызацыі дэструктыўных каналаў, галоўная мэта якіх — дэстабілізацыя грамадска-палітычнай абстаноўкі ў краіне».
Паведамляецца, што суд Буда-Кашалёўскага раёна пакараў за падпіскі ўжо 17 мясцовых жыхароў — на кожнага накладзены штраф ад 10 да 30 базавых велічынь, а ў семярых з іх канфіскаваныя тэлефоны.
Сталі вядомыя першыя пяць прозвішчаў палітвязняў, вызваленых па новым памілаванні4
Каментары