У ПВК «Вагнер» папрасіўся былы салдат, які ў 2019-м забіў восем саслужыўцаў
Былы салдат тэрміновай службы Раміль Шамсутдзінаў, які адбывае пакаранне за забойства 8 таварышаў па службе, паспрабаваў запісацца з Цюменскай калоніі ў ПВК «Вагнер». Ён запісаўся ў вярбоўшчыкаў у добраахвотнікі на вайну з Украінай, паведамляе Baza.
Шамсутдзінаў трапіў у спіс прыватнай вайсковай кампаніі, але яго не ўзялі. Яму сказалі, што «народу ўжо і так шмат» і ён пакуль не патрэбен.
Справа Шамсутдзінава ў свой час была вельмі гучнай, пра яе неаднаразова пісала і «Наша Ніва». У 2019 годзе ён застрэліў сваіх таварышаў па службе ў Забайкальскім краі, дзе праходзіў тэрміновую службу.
Падчас змены варты ў пасёлку Горны радавы ўзяў аўтамат АК-74 і расстраляў восем чалавек, яшчэ двое атрымалі раненні. Пасля стральбы Шамсутдзінаў здаўся. Адвакат салдата тады казаў, што ён падвяргаўся фізічнаму і маральнаму гвалту.
У пачатку 2021 года суд прызнаў Шамсутдзінава вінаватым у масавым забойстве. Яго прысудзілі да 24,5 года пазбаўлення волі ў калоніі строгага рэжыму.
Чытайце таксама:
У Расіі салдату, які забіў восем саслужыўцаў, далі 24,5 года зняволення
«Афіцэры Расіі» знайшлі віну відэагульняў у забойстве салдат у Забайкаллі
Мінабароны Расіі назвала ўкідам версію пра пагрозы згвалтаваць салдата, які расстраляў 8 саслужыўцаў
У Расіі салдат-татарын расстраляў 8 саслужыўцаў, бо яны хацелі яго згвалціць
Прычынай крывавай бойні ў расійскай вайсковай часці назвалі дзедаўшчыну
Дзядок расказаў, як паводзіў бы сябе ў сённяшняй Беларусі і што будзе далей5
Каментары