Прыкідвалася пацыенткай паліклінік: у Мінску затрымалі замежніцу-кішэнніцу
Жанчына перыядычна прыязджала ў Беларусь і здзяйсняла крадзяжы, а для канспірацыі выкарыстоўвала парык і мяняла знешнасць.
Кішэнніца-гастралёрша, якая прыязджала ў Беларусь з-за мяжы, затрыманая ў сталіцы, пра гэта распавяла прадстаўнік ГУУС Мінгарвыканкама Наталля Ганусевіч.
Па яе словах, 62-гадовую замежніцу, падазраваную ў здзяйсненні серыі крадзяжоў, затрымалі. Прычым жанчына спрабавала пакінуць Беларусь.
Як было ўстаноўлена, цягам паўгода яна час ад часу прыязджала ў нашу краіну і здзяйсняла крадзяжы.
«Яна прыходзіла ў сталічныя паліклінікі, дзе прыкідвалася пацыенткай і, седзячы ў чарзе, крала кашалькі іншых наведвальнікаў. Для канспірацыі мяняла знешнасць, верхнюю вопратку, насіла парыкі», — распавяла Ганусевіч.
Пры затрыманні ў жанчыны знайшлі парык і выкрадзеныя ёю кашалькі.
Вядома пра 10 крадзяжоў у Мінску, цяпер высвятляецца яе дачыненне да аналагічных злачынстваў у іншых рэгіёнах Беларусі.
Сама іншаземка патлумачыла, што крадзяжом займаецца даўно. Раней яна неаднаразова здзяйсняла крадзяжы ў еўрапейскіх краінах і заставалася беспакаранай.
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары