У цырымоніі адкрыцця і ўводу ў эксплуатацыю Косаўскага палацава-паркавага ансамбля прынялі ўдзел міністр культуры Анатоль Маркевіч і старшыня Брэсцкага аблвыканкама Юрый Шулейка. Сёння ў палацы праходзіць таксама навагодні баль для студэнтаў.
Рэканструкцыя комплексу пачалася ў 2008 годзе. Спецыяльная камісія ЮНЕСКА прызнала палац перспектыўным міжнародным турыстычным аб'ектам і выдзеліла на падрыхтоўчыя работы па яго аднаўленні грант у 50 тысяч даляраў.
Ужо ў 2017 годзе адкрылася першая экспазіцыя, у 2020-м прынялі першых наведвальнікаў рэстаран «Граф Пуслоўскі» і гатэль «Пуслоўскіх».
Косаўскі замак абавязаны сваім існаваннем роду Пуслоўскіх. Адзін з яго прадстаўнікоў, Вандалін Пуслоўскі, атрымаўшы ў спадчыну ад бацькі маёнтак у Мерачоўшчыне, заклаў тут палац у неагатычным стылі. Будаўніцтва працягвалася 12 гадоў — з 1838-га па 1850-ты. Побач з палацам месцілася сядзіба, дзе ў 1746 годзе нарадзіўся будучы кіраўнік нацыянальна-вызваленчага паўстання 1794 года Тадэвуш Касцюшка.
-
Пачобут не стаў размаўляць з шасцёркамі — ні з Пратасевічам, ні з Васкрасенскім
-
Васкрасенскі: Азотныя ўгнаенні і санкцыі ў адносінах фіз– і юрасобаў — і 1135 палітвязняў будуць у Вільні
-
«Прывезлі маю жонку і сказалі, што яе будуць катаваць». Пара з Украіны расказала жахлівую гісторыю пераследу ў Беларусі
Каментары