Статыстыка за 11 месяцаў сведчыць пра тое, што адток з IT-cферы ў Беларусі хоць змяншаецца, але ўсё адно застаецца значным. Асабліва ж уражвае параўнанне з мінулым годам, піша Dev.by.
За лістапад з беларускіх IT-кампаній звольнілася 1932 чалавекі. Гэта крыху менш, чым у кастрычніку (на 2,5%), і другі месяц запар звольненых менш за 2 тысячы чалавек.
Але ў параўнанні з лістападам мінулага года колькасць звольненых вырасла на 42%, у той час як у кастрычніку адносна кастрычніка мінулага года розніца была меншая — плюс 34,5%.
У той жа час наём на працы ў IT-сферы ў лістападзе аказаўся мінімальным за шэсць месяцаў (чэрвень—лістапад). Кампаніі працаўладкавалі за гэты месяц усяго 853 новых спецыялістаў, і гэта ў два разы менш, чым у лістападзе мінулага года, і на 8% менш, чым у кастрычніку гэтага года.
Сумарна за 11 месяцаў гэтага года ў ІТ-кампаніі ўладкавалася каля 12 тысяч новых супрацоўнікаў — на 34% менш, чым за аналагічны перыяд мінулага года. Звольнілася ж за студзень—лістапад больш за 27 тысяч спецыялістаў — на 75% больш, чым за такі ж перыяд 2021 года.
Такім чынам, агульныя страты IT-сектара за студзень-лістапад 2022 года — больш за 15 тысяч спецыялістаў.
Пасля выступлення Луганскага тэатра ў Мінску адна з глядачак выгукнула «Слава Украіне!»5
Каментары