У Дняпры працягваюцца выратавальныя працы. Па даных на гэты час, у выніку пападання расійскай ракеты па дзевяціпавярховіку загінулі 5 мірных жыхароў, параненыя 39 чалавек, у тым ліку сем дзяцей. Усе дзеці ў бальніцы. 9-гадовая дзяўчынка — у цяжкім стане, паведаміў кіраўнік Днепрапятроўскай вобласці Валянцін Разнічэнка.
Таксама Разнічэнка заявіў, што СПА збіла над вобласцю шэсць расійскіх ракет.
Прэзідэнт Украіны Уладзімір Зяленскі адрэагаваў на трагедыю ў Дняпры ў сацсетках.
«Вечная памяць усім, чые жыцці забраў рускі тэрор! Свет павінен спыніць гэта зло. Разбор завалаў у Дняпры працягваецца. Усе службы працуюць. Змагаемся за кожнага чалавека, кожнае жыццё. Знойдзем усіх датычных да гэтага тэрору. Усе панясуць адказнасць. Максімальную», — напісаў Зяленскі.
Цяпер чытаюць
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары