У Diamond City адкрываецца гіпердыскаўнтар. Што чакае пакупнікоў у самай буйной краме сеткі
Сёння а 13‑й гадзіне на другім паверсе гандлёвага цэнтра Diamond City (МКАД, раён Малінаўкі) пачне працу гіпердыскаўнтар «Маяк Maxi». Гэта самы вялікі аб'ект сеткі, плошча якога перавышае 2500 квадратных метраў, піша Onliner.
Брэсцкі кірунак, з’езд з МКАД, побач Малінаўка — напэўна, недахоп буйной прадуктовай крамы тут быў адчувальным і для жыхароў, і для гасцей Мінска. Усё зменіцца ўжо а 13‑й гадзіне: на другім паверсе ГРЦ Diamond Сity адкрываецца «Маяк Maxi» — абяцаюць «звышнізкія» цэны, а яшчэ падарункі і пачастункі.
Як паведамілі прадстаўнікі «Маяка», гэты гіпердыскаўнтар — самая буйная крама сеткі. На плошчы больш за 2500 «квадратаў» прадстаўлены некалькі тысяч найменняў прадуктаў. Журналісты атрымалі магчымасць прагуляцца па яшчэ пустых залах. Што заўважылі?
Вялікі выбар бакалеі, ёсць беларускія і імпартныя тавары. У адным вялікім халадзільніку — малочка і каўбасы. У іншым — садавіна і гародніна ад розных пастаўшчыкоў. Побач — мясны аддзел са свежымі выразамі.
У «Маяк Maxi» можна будзе купіць і кулінарыю, кандытарку, піцу. Ёсць жывыя расліны, касметыка і кавярні самаабслугоўвання. На свежай выпечцы, паўфабрыкатах і гатовай ежы зроблены асаблівы акцэнт.
Прадуктовага рытэйлу ў ГРЦ Diamond Сity не было два месяцы.
Цяпер чытаюць
Калеснікава: У 2020‑м я змагалася не супраць Лукашэнкі, а за людзей, свабоду і свабодныя выбары33
Каментары