Свет

«Мае патрэбу ў адпачынку». Ордэн кармелітаў расказаў пра стан Гжэгажа Гавела

Ордэн кармелітаў паведаміў пра стан свайго манаха Гжэгажа Гавела, якога 28 красавіка вызвалілі са зняволення ў Беларусі разам з журналістам Анджэем Пачобутам і яшчэ трыма асобамі.

Гжэгаж Гавел

«На гэты момант брат Гжэгаж пасля размовы з айцом Правінцыялам знаходзіцца ў коле блізкіх і мае патрэбу ў часе на адпачынак пасля цяжкага выпрабавання. Стан яго здароўя добры, аднак цяпер яму патрэбны спакой і перадых», — паведамляецца на сайце ордэна.

У заяве Ордэна кармелітаў адзначаецца, што вызваленне Гавела стала вялікай палёгкай і нагодай для ўдзячнасці як для братоў Польскай правінцыі ордэна кармелітаў, так і для ўсіх, хто падтрымліваў яго малітвамі.

Гжэгаж Гавел — грамадзянін Польшчы з Кракава, манах каталіцкага ордэна кармелітаў. У ліпені 2025 года паведамлялася, што ён абараніў магістарскую дысертацыю. 

У верасні 2025 года прапагандысцкія медыя распаўсюдзілі інфармацыю пра яго затрыманне ў Лепелі. Мужчыну абвінавачвалі ў «шпіянажы» (арт. 358 Крымінальнага кодэкса) — нібыта за атрыманне плана беларуска-расійскіх вучэнняў «Захад-2025».

У сюжэце паказалі раздрукоўку дакумента Узброеных Сіл Рэспублікі Беларусь з грыфам «Сакрэтна» — «распараджэнне аб арганізацыі падрыхтоўкі і ўдзелу ў ССУ «Захад-2025». Паводле версіі прапагандыстаў, паляк атрымаў яго літаральна за некалькі хвілін да затрымання.

Кадры перадачы дакумента ў машыне таксама былі прадэманстраваныя — падобна, што яны былі знятыя схаванай камерай.

Гжэгаж Гавел быў вызвалены ў межах абмену зняволенымі паміж Польшчай і Беларуссю разам з Анджэем Пачобутам, Томашам Бярозам і двума малдаўскімі афіцэрамі, арыштаванымі ў Расіі.

Каментары

Цяпер чытаюць

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі4

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Усе навіны →
Усе навіны

Выйдзе працяг «Адзін дома» з Макалеем Калкіным

Мінчане купілі пустуючую хату за 2300 рублёў і вяртаюць яе да жыцця4

Чаму ўсё новае цяпер выглядае крыху вінтажным1

У Мінску прадаюць чарэшні па касмічнай цане1

Вадзім Галыгін: Я крыху стаміўся ад гумару. Хочацца паспрабаваць нешта іншае8

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

Міністр абароны Вялікабрытаніі: Пуцін халоднакроўны забойца4

Павел Белавус расказаў, як за кратамі даведаўся пра Нобелеўскую прэмію Бяляцкага

На фронце знайшлі загінулым 25‑гадовага беларуса з пазыўным «Дэкан»6

больш чытаных навін
больш лайканых навін

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі4

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Галоўнае
Усе навіны →

Заўвага:

 

 

 

 

Закрыць Паведаміць