Палітвязень Яўген Чарвінскі выйшаў на волю пасля заканчэння тэрміну зняволення 4 студзеня. За кратамі ён утрымліваўся 2 гады 3 месяцы і 11 дзён, піша «Вясна».
22-гадовы Яўген Чарвінскі быў абвінавачаны ў тым, што з 23 па 24 верасня 2020 года браў удзел у несанкцыянаваным мерапрыемстве на вуліцы Глебкі ў Мінску, і, уцякаючы ад супрацоўнікаў АМАПа, распыліў газавы пярцовы балончык (ч. 2 арт. 363 КК).
Пацярпелы прапаршчык Сяргей Сяргееў атрымаў тады хімічны апёк абодвух вачэй. Сям'я Чарвінскага перавяла яму 1 500 рублёў за маральную шкоду яшчэ да вынясення прысуду.
Суддзя Андрэй Млечка 24 лістапада 2020 года прызначыў Чарвінскаму 2,6 года калоніі. Тэрмін хлопец адбываў у віцебскай калоніі № 3.
Вядома, што пры затрыманні яго моцна збілі: былі зафіксаваныя чэрапна-мазгавая траўма і сляды збіцця на твары.
Цяпер чытаюць
Топ сучасных элітных жыллёвых комплексаў Мінска. Квадрат там каштуе да 11 000 даляраў1
Каментары