Літоўцы першымі сабралі на «Байрактар» для Украіны. Цяпер яны першымі збіраюць на пяць радараў
30 студзеня ў Літве запусцілі новую акцыю дапамогі Украіне, падчас якой плануецца сабраць сродкі на куплю радараў для маніторынгу паветранай прасторы, піша Delfi.lt.
Для рэалізацыі праекта аб'ядналіся наступныя арганізацыі, якія спецыялізуюцца на зборы сродкаў: Blue/Yellow, Laisvės TV, 1K fondas і «Моцныя разам».
З 30 студзеня па 24 лютага актывісты паспрабуюць сабраць хоць бы 5 млн еўра на куплю радараў для маніторынгу паветранай прасторы, каб Украіна магла лепш абараняцца ад расійскай агрэсіі.
Радары, на якія збіраюцца грошы, паводле ініцыятараў збору, вельмі добрыя. Яны невялікага памеру, іх лёгка транспартаваць, яны мабільныя, добра бачаць нават невялікія аб'екты.
Радары плануюць купіць у ізраільскіх вытворцаў — адзін такі радар з абсталяваннем каштуе 1 млн еўра. Пра куплю ўжо дамовіліся, трэба толькі грошы.
«Мы пакажам, што размовы аб тым, што Літва нібыта стамілася дапамагаць Украіне — глупства», — упэўнены адзін з ініцыятараў.
Памагчы літоўцам пры жаданні могуць і беларусы, якія жывуць у гэтай краіне. Рэквізіты, па якіх робіцца збор:
Vsi Melyna ir geltona
LT817300010175720500
SWIFT: HABALT22
Paypal: [email protected]
-
У Бранскай вобласці ад удара дрона загінуў падарожнік, які ў камуфляжы ішоў пехам у Бразілію
-
Зяленскі: Расія ўдарыла па доме ў Кіеве зусім новай ракетай X-101. Значыць, кампаненты завозяцца
-
Колькасць загінулых у Кіеве ўзрасла да пяці чалавек. Ратавальнікі дасталі з-пад завалаў цела 12‑гадовай дзяўчынкі
Сілавікі сцвярджаюць, што затрымалі двух мужчын за галасаванне на выбарах у КР. Але ці можна гэтаму верыць?15
Каментары