Свет11

Над ЗША заўважылі разведвальны паветраны шар. Улады ўпэўненыя, што ён з Кітая

Улады ЗША заўважылі над паўночнай часткай краіны разведвальны паветраны шар і цяпер уважліва назіраюць за ім. Пентагон лічыць, што шар належыць Кітаю, піша Бі-бі-сі.

Фота: Billings Gazett via AP

«Урад ЗША зафіксаваў і адсочвае вышынны разведвальны паветраны шар, які цяпер знаходзіцца над кантынентальнай часткай ЗША», — заявілі ў вайсковым ведамстве.

Па даных амерыканскіх СМІ, у Пентагоне не сумняваюцца, што шар — кітайскі. Улады ЗША накіравалі запыт у КНР з нагоды аб'екта, але збіваць яго не сталі з-за вялікіх памераў.

«Я не буду называць дакладныя памеры. Паводле нашых ацэнак, ён досыць вялікі, каб абломкі нанеслі шкоду, калі мы яго саб'ём, — заявіў прадстаўнік Пентагона. — Былі паведамленні пра тое, што пілоты бачылі гэтую штуку, хоць яна знаходзіцца даволі высока ў небе».

Паведамляецца, што шар не ўяўляе пагрозы для грамадзянскай авіяцыі, бо знаходзіцца на вялікай вышыні.

«Шар цяпер перамяшчаецца на вышыні значна большай, чым тая, на якой ажыццяўляюцца камерцыйныя авіяперавозкі, і не ўяўляе якой-небудзь пагрозы для людзей на зямлі, — заявіў прэс-сакратар Пентагона Патрык Райдэр.

Па яго словах, падобнае ўжо здаралася апошнія гады.

Як паведамляе тэлекампанія NBC, у сераду вайсковае камандаванне ЗША збіралася, каб абмеркаваць інцыдэнт і магчымыя меры ў адказ. Пра выяўленне шара праінфармавалі прэзідэнта ЗША Джо Байдэна.

Крыніцы NBC адзначаюць, што пасля выяўлення аб'екта ў паветра падымалася авіяцыя, у тым ліку знішчальнікі пятага пакалення F-22 Raptor, а таксама самалёт радыёлакацыйнага выяўлення.

Кітай інцыдэнт пакуль ніяк не каментаваў.

Паветраны шар упершыню заўважылі ў сераду над горадам Білінгс у штаце Мантана. Да гэтага, як мяркуецца, аб'ект праляцеў над тэрыторыяй Канады.

Каментары1

  • F
    03.02.2023
    Мо Рычард Брэнсан ізноў падарожнічае?
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Як сёння жывуць Кузнечыкі, якія амаль два гады хаваліся ў пасольстве Швецыі, каб не трапіць у кіпцюры сілавікоў?2

Як сёння жывуць Кузнечыкі, якія амаль два гады хаваліся ў пасольстве Швецыі, каб не трапіць у кіпцюры сілавікоў?

Усе навіны →
Усе навіны

Трыбуна стадыёна будучага суперніка мінскага «Дынама» ў еўракубках названа ў гонар футбаліста, які памёр падчас матча

Адказнасць за забойства палкоўніка СБУ Вароніча ў Кіеве ўзяла на сябе неанацысцкая групоўка «База»3

«Я не бачыў нічога такога»: як лялькі Labubu прынеслі шалёны прыбытак3

Мінскае «Дынама» вылецела з кваліфікацыі Лігі чэмпіёнаў у першым раўндзе2

Беларускія мытнікі адказалі на скаргі адносна доўгага афармлення на мяжы2

Сірыйскія ўлады і друзы дамовіліся пра спыненне агню6

У цэнтры Мінска проці начы выстраілася вялізная чарга людзей, некаторыя ў піжамах ВІДЭА4

Другі энергаблок БелАЭС адключылі ад сеткі з-за спрацоўвання сігналізацыі2

У Зімбабвэ жанчына выкрала і згвалтавала былога каханка, каб развеяць вядзьмарства4

больш чытаных навін
больш лайканых навін

Як сёння жывуць Кузнечыкі, якія амаль два гады хаваліся ў пасольстве Швецыі, каб не трапіць у кіпцюры сілавікоў?2

Як сёння жывуць Кузнечыкі, якія амаль два гады хаваліся ў пасольстве Швецыі, каб не трапіць у кіпцюры сілавікоў?

Галоўнае
Усе навіны →

Заўвага:

 

 

 

 

Закрыць Паведаміць