Аляксандр Лукашэнка паабяцаў пабудаваць заводы па перапрацоўцы літыю ў выпадку надання яму літыевых канцэсій, сцвярджае зімбабвійскае выданне TheNewsHawks са спасылкай на дыпламатычныя крыніцы.
«Дзве краіны падпісалі восем пагадненняў у розных сектарах, давёўшы іх да 20, але насамрэч справа была ў літыі. Пра гэта дамовіліся Мнангагва і Лукашэнка ў ходзе прыватных перамоў», — сказала крыніца выдання.
На тэрыторыі Зімбабвэ знаходзяцца вялікія радовішчы металу літыю. Здабычу на іх вядуць кітайскія кампаніі. У мінулым годзе Зімбабвэ забараніла экспарт літыю-сырцу, каб утрымаць замежныя кампаніі і кантрабандыстаў ад марадзёрства. Пазней забарона была аб'яднаная з поўнай забаронай на экспарт каляровых металаў.
Літый, яго злучэнні і сплавы крытычна неабходныя для тэхналагічнага развіцця шматлікіх галін: аўтапрама, авіябудавання, металургіі, мікраэлектронікі, хіміі і іншых.
Літый найбольш важны пры вытворчасці акумулятарных батарэй вялікай ёмістасці. Малавядомай вобласцю прымянення літыю з'яўляецца фармакалогія. Гэты метал выкарыстоўваецца для вытворчасці псіхатропных прэпаратаў.
Запатрабаваны ён і ў цяжкай прамысловасці. Літый патрэбны для выплаўлення і легіравання алюмінію, павышэння пластычнасці, трываласці і аднаўлення металаў.
Ключавая галіна, дзе без згаданага металу ніяк не абысціся, — гэта ядзерная энергетыка. Літый — адзіная даступная крыніца атрымання трыцію, таксама ён ужываецца пры вырабе стрыжняў, што рэгулююць сістэму абароны рэактара.
Аляксандр Лукашэнка знаходзіўся з дзяржаўным візітам у Зімбабвэ з 30 студзеня па 1 лютага. Паводле яго слоў, былі падпісаныя пагадненні «ў галіне прамысловасці, гандлю, сельскай гаспадаркі, энергетыкі, транспарту і здабычы карысных выкапняў».
Чытайце таксама:
Расія застаецца без літыю. Гэта можа падарваць шэраг ключавых галін яе эканомікі, у тым ліку атамную энергетыку
Літый — нафта ХХІ стагоддзя. Літый-іонная рэвалюцыя: акумулятары цалкам зменяць энергетыку і аўтамабілі
Доля Зімбабвэ ў эканоміцы Беларусі мізэрная. Чаму тады прапаганда надае столькі ўвагі візіту Лукашэнкі ў гэтую краіну?
Лукашэнка хоча зрабіць беларускі гандлёвы хаб у Зімбабвэ. Але гэта не тое месца, «дзе нас не ведаюць»
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары
а. ну-да. и видно, что, как минимум весной 2020 года...