TikTok заблакаваў сетку акаўнтаў, якія распаўсюджвалі расійскую прапаганду
TikTok знайшоў і заблакаваў 1682 акаўнты, якія распаўсюджвалі расійскую прапаганду пра вайну ва Украіне на еўрапейскую аўдыторыю. Пра гэта гаворыцца ў паведамленні кампаніі.
Спецыялісты кампаніі высветлілі, што сетка працавала з Расіі, а яе асноўнай аўдыторыяй былі жыхары Германіі, Італіі і Вялікабрытаніі. Людзі, якія стаяць за гэтымі ўліковымі запісамі, стваралі лакалізаваныя неаўтэнтычныя ўліковыя запісы і дзяліліся кантэнтам на нямецкай, італьянскай і англійскай мовах, узмацняючы прарасійскі пункт гледжання адносна вайны ва Украіне.
У агульным ліку ў заблакаваных рахункаў было больш за 130 тысяч падпісчыкаў.
Таксама TikTok заблакаваў грузінскую сетку, якая распаўсюджвала прапаганду на рускамоўных карыстальнікаў. Паводле ацэнак кампаніі, сетка працавала з Грузіі і арыентавалася на рускамоўную аўдыторыю, у асноўным у Казахстане, Беларусі і Украіне.
«Мы ведаем, што прыхаваныя аперацыі па аказанні ўплыву будуць працягваць развівацца ў адказ на наша выяўленне, і сеткі могуць паспрабаваць аднавіць сваю прысутнасць на нашай платформе.
Напрыклад, у дадатак да сетак, раскрытых у гэтай справаздачы, 365 дадатковых уліковых запісаў былі ідэнтыфікаваныя як такія, якія належаць раней выдаленым сеткам і пасля былі выдаленыя», — гаворыцца ў паведамленні кампаніі.
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары