Бел-чырвона-белыя сцягі на праспекце Незалежнасці + фота + відэа
Дзесяткі сцягоў вывесілі на галоўным праспекце сталіцы актывісты «Еўрапейскай Беларусі». Міліцыя затрымала фотакарэспандэнтаў Юлію Дарашкевіч і Ўладзю Грыдзіна, якія фатаграфавалі.
Дзесяткі сцягоў вывесілі на галоўным праспекце сталіцы актывісты «Еўрапейскай Беларусі». Міліцыя затрымала фотакарэспандэнтаў Юлію Дарашкевіч і Ўладзю Грыдзіна, якія фатаграфавалі.
У Мінску абапал праспекту Незалежнасці, на адцінку ад вуліцы Макаёнка да аўтавакзалу «Маскоўскі», на ліхтарных слупах вісіць некалькі дзясяткаў бела-чырвона-белых сцягоў. Людзі на вуліцах узрушыліся, здымалі на мабільнікі, смяяліся. «Гэта што? Лукашэнка памёр?» -- спытаўся адзін хлопец другога ў прысутнасці карэспандэнта.
Міліцыя затрымала 5 чалавек, у тым ліку фотакарэспандэнтаў Юлію Дарашкевіч і Ўладзю Грыдзіна. Затрыманых даставілі ў Першамайскі РУУС.
Грыдзіну ў міліцэйскім аўто надавалі па карку. Фотажурналіст паспеў паведаміць, што білі яго сяржант і прапаршчык. Іх твары ён запомніў і збіраецца падаць скаргу.
Грыдзіна і Дарашкевіч выпусцілі каля 23.30. Юля так і не дазволіла сябе абшукаць.
На астатніх затрыманых складаюцца пратаколы аб адміністрацыйным парушэнні. Гэта Алег Ладуцька і Насця Аскерка. Пятая -- Галіна Пярвушына, прахожая, якую затрымалі за тое, што яна фатаграфала сцягі.
Іх адвезлі ў турму на Акрэсціна.
Раніцай 30 кастрычніка іх будуць судзіць у судзе Першамайскага раёну сталіцы (вул. Талбухіна, 9) па абвінавачанні ў дробным хуліганстве.
Каментары