Сэрвіс flightaware.com паведамляе, што Боінг Лукашэнкі здзейсніў пералёт з Цвярской вобласці ў Мінск. У беларускай сталіцы ён прызямліўся ў 22:05 па мінскім часе.
Менавіта гэтым самалётам у пятніцу Лукашэнка вылецеў у Маскву на сустрэчу з Уладзімірам Пуціным. Сёння раніцай Boeing 737-800 з маскоўскага аэрапорта «Унукава» накіраваўся ў Цвярскую вобласць. Дзе ў гэты час знаходзіўся Аляксандр Лукашэнка, афіцыйна не паведамлялася.
Паведамлялася таксама, што сёння з-за бронецягніка Пуціна спынілі рух на Маскоўска-Цвярской чыгунцы. Па чутках, Пуцін вырашыў апрабаваць спеццягнік для паездкі ў сваю рэзідэнцыю на Валдаі. Ці быў з ім там Лукашэнка, невядома.
Цікава, што пра ўчорашнюю сустрэчу Лукашэнкі і Пуціна іх пулы далі вобмаль інфармацыі.
1
3
40
2
1
7
