Суд Мінскага раёна арыштаваў тыктокера, які здымаў відэа пра «ПВК Родан», на 10 сутак за распаўсюд «экстрэмісцкіх матэрыялаў» (артыкул 19.11 КаАП), паведамляе «Медыязона».
Сілавікі апублікавалі з затрыманым Артурам Ахмадзі відэа, на якім ён кажа, што размясціў у сваім акаўнце ў тыктоку відэа з сімволікай «ПВК Родан», і гэта відэа набрала 100 тысяч праглядаў, а таксама, што «перасылаў паведамленні з телеграм-канала NEXTA». Міліцэйскае відэа таксама з'явілася ў тыктоку затрыманага.
2 сакавіка, паводле звестак МУС, у Мінску праз сустрэчы прыхільнікаў «ПВК Родан» сілавікі затрымалі 80 чалавек. 1 сакавіка ў Брэсце на сустрэчы прыхільнікаў «ПВК Родан» былі затрыманыя 52 чалавекі. 28 лютага падчас аналагічнай сустрэчы ў Гомелі затрымалі 200 чалавек.
Каментары