Рэдакцыя газеты «Інфа-Курʼер», двух супрацоўнікаў якой затрымалі, абвясціла, што не выпусціць два найбліжэйшыя нумары
Па тэхнічных прычынах найбліжэйшыя два друкаваныя нумары газеты «Інфа-Курʼер» — 23 і 30 сакавіка — не выйдуць, паведаміла рэдакцыя на сваім сайце.
Размяшчэнне рэкламы ў друкаваным нумары газеты не ажыццяўляецца да 30 сакавіка ўключна, але можна размясціць рэкламу на сайце і ў сацсетках.
Рэдакцыйны і рэкламны аддзелы газеты «Інфа-Курʼер» адкрыты для наведвальнікаў і працуюць у ранейшым рэжыме, паведаміла рэдакцыя.
15 сакавіка сілавікі правялі ператрус у рэдакцыі «Інфа-Кур’ера», забралі асноўную тэхніку, а з прысутных узялі падпіску аб неразгалошванні. На наступны дзень наклад газеты адмаўляліся прымаць крамы «Белсаюздрука». Галоўны рэдактар і ўладальнік газеты Сяргей Станкевіч, а таксама яго намеснік Алег Рубчэня былі змешчаныя ў мясцовы ІЧУ.
Ім прызначылі па 15 сутак кожнаму за непадпарадкаванне пры затрыманні. Віну яны не прызналі.
У гадавіну смерці Жанны Фрыске Дзмітрый Шэпелеў распавёў, чаму не дазваляе сыну бачыцца з яе сваякамі16
Каментары