Дэпутаты Кіеўскай гарадской рады на пасяджэнні 23 сакавіка перайменавалі яшчэ 16 тапонімаў, назвы якіх звязаныя з Расіяй і савецкім мінулым.
У тым ліку вуліца Дабралюбава будзе называцца імем беларускага пісьменніка Уладзіміра Караткевіча.
«На працягу дзесяцігоддзяў Крэмль спрабаваў навязаць украінцам сваю перавагу, і гэта выразна было адлюстравана ў назвах гарадскіх аб’ектаў. Расія адкрыта перакрыўляла гістарычныя падзеі і знішчала ўкраінскую культуру. І падчас поўнамаштабнай вайны гэта выразна ўсё ўсвядомілі. Ужо год гарадскія ўлады сумесна з грамадскасцю ў сталіцы праводзяць маштабны працэс дэрусіфікацыі. У нас ёсць свае паэты, філосафы, навукоўцы, грамадскія дзеячы і героі, якія ў розныя перыяды працавалі на карысць і абаранялі наш горад, краіну ў цэлым», — напісаў сакратар Кіеўскай гарадской рады Уладзімір Бандарэнка.
Усяго ў Кіеве перайменавана ўжо 288 аб'ектаў.
Уладзімір Караткевіч вучыўся ў Кіеве і нават нейкі час працаваў у школе. У Кіеве каля беларускага пасольства ёсць помнік пісьменніку.
Варта зазначыць, што ў Мінску няма ні помніка, ні вуліцы імя пісьменніка, а вуліца Караткевіча названа ў гонар падпольшчыка.
Цяпер чытаюць
23‑гадовага афіцэра брыгады спецназа асудзілі на 19 гадоў за «здраду дзяржаве»13
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары