Амбіцыйныя планы. «Беллегпрам» хоча апрануць каля 2 млн зімбабвійскіх школьнікаў і выціснуць з гэтага рынку кітайцаў
Беларускія тэкстыльшчыкі «намацалі» буйны рынак тканін у Афрыцы, але там ім давядзецца канкураваць з Кітаем, перадае «Спутнік».
Першыя пастаўкі баваўнянага валакна з Зімбабвэ ў Беларусі чакаюць з чэрвеня-ліпеня 2023 года, паведаміла журналістам старшыня дзяржканцэрна «Беллегпрам» Таццяна Лугіна. Дагавор аб намерах у гэтай сферы быў падпісаны яшчэ ў студзені, калі дэлегацыя на чале з Аляксандрам Лукашэнкам наведвала Зімбабвэ.
Цяпер у Беларусі знаходзіцца пастаянны сакратар міністэрства прамысловасці і гандлю Зімбабвэ Мавіс Сібанды.
Канцэрн «Беллегпрам» спадзяваецца на супрацоўніцтва — пастаўкі «беларускіх тканін у гэтую афрыканскую краіну, а потым і на ўвесь кантынент».
Лугіна адзначыла, што ў Зімбабвэ каля двух мільёнаў школьнікаў, і для ўсіх трэба шыць форму. Пакуль што гэтая патрэба закрываецца імпартам з КНР. Беларусь ужо прапанавала палівіскозу і тканіны з воўнаю. У канцы красавіка гэтыя і іншыя ўзоры прадукцыі прадпрыемстваў «Камволь» і «Магатэкс» беларуская дэлегацыя прадставіць на выставе ў Зімбабвэ, распавяла Лугіна.
Паводле яе слоў, у краіне ёсць вытворчасць адзення, але няма тэкстыльных прадпрыемстваў, якія выпускаюць тканіну. Таму «Беллегпрам» і вырашыў увайсці на гэты рынак. Але беларусам давядзецца вытрымаць канкурэнцыю з кітайцамі, у тым ліку па лагістыцы і якасці, канстатуе «Спутнік».
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго6
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца1010
Каментары