За дыверсанта — узнагарода. Улады ўзмацняюць патруляванне і іншыя меры бяспекі на чыгунцы — Супольнасць чыгуначнікаў
З-за падрываў на чыгунцы ў Бранскай вобласці, дзе 1 мая пусцілі пад адхон беларускі цягнік, улады прымаюць дадатковыя меры бяспекі на БЧ, паведамляе канал «Супольнасць чыгуначнікаў Беларусі».
Паводле інфармацыі тэлеграм-канала, на ахову чыгуначнай інфраструктуры Беларусі накіраваны дадатковыя рэсурсы.
Так, для непасрэднай аховы задзейнічаюць сілы войскаў — ад пагранічных да сіл спецыяльных аперацый. З учарашняга дня атрады з поўначы Беларусі накіроўваюцца ў Брэсцкую вобласць для аказання дапамогі па ахове інфраструктуры, сцвярджае канал.
Асаблівая ўвага будзе нададзена чыгуначным мастам. Таксама будзе праводзіцца патруляванне тых участкаў, дзе немагчыма ажыццяўляць дыстанцыйны кантроль сродкамі відэаназірання. На рэйках будуць шукаць староннія прадметы.
Работнікаў чыгункі дадаткова інфармуюць пра пільнасць і неабходнасць паведамляць аб прысутнасці паблізу чыгункі старонніх або падазроных асоб. Апісваюцца магчымыя прыкметы, па якіх можна вызначаць патэнцыйнага дыверсанта.
За выяўленне такіх асоб прапануецца ўзнагароджанне, сцвярджае канал чыгуначнікаў.
«Неабходнасць такіх мерапрыемстваў абумоўлена высокай імавернасцю магчымых дыверсій на БЧ, улічваючы факт задзейнічання яе інфраструктуры для перавозкі расійскага ўзбраення, тэхнікі, боепрыпасаў і асабовага складу», — піша канал.
Учора Аляксандр Лукашэнка чарговы раз сабраў нараду сілавога блока. Яна адбывалася, як паведамляюць дзяржаўныя СМІ, пад грыфам «абсалютна сакрэтна», але вядома, што там абмяркоўвалі, як змагацца з дыверсантамі.
-
«А 4‑й гадзіне ночы мы зразумелі, што серверы проста вычышчаныя». Яраслаў Іванюк расказаў падрабязнасці пра атаку на анлайн-бібліятэку «Камунікат»
-
Малады дзед з Кармы захацеў далучыць Сумы да Расіі. Практычны вынік — унучка ў Мазыры убачыць яго толькі на фота
-
Прапанавалі замацаваць заканадаўча абавязак браць удзел у перапісе
Каментары