У вёсцы Крупнікі (Вілейскі раён) ад неасцярожна кінутай запалкі згарэў жылы дом.
«Пажарным, якія прыехалі на месца здарэння, паведамілі, што ў полымі можа знаходзіцца гаспадар, — расказвае інжынер інспекцыі Дзяржпажнагляду Вілейскага раённага аддзела па надзвычайных сітуацыях Алег Грыневіч, — пазней высветлілася, што мужчына акурат у гэты час хадзіў да сваякоў».
Паводле слоў Алега Грыневіча, вечарам гаспадару, у якога хворае сэрца, стала дрэнна. Не знайшоўшы дома таблетак, ён вырашыў схадзіць да сваякоў, што жылі на другім канцы вуліцы. На дварэ было мокра і гразка, таму мужчына хацеў абуць гумовыя боты.
У калідоры напярэдадні перагарэла лямпачка. Корпаючыся ў цемры, пачаў свяціць сабе запалкамі. Яны хутка тухлі, таму запальваў адну за другой, а выкарыстаныя кідаў на падлогу.
Не паспеў мужчына дайсці да канца вуліцы, як пачуў трэск. Азірнуўся і зразумеў, што гарыць уласны дом.
На тушэнні працавалі выратавальнікі з Даўгінава, Вілейкі, два пажарна‑выратавальныя падраздзяленні Мядзельскага раённага аддзела па надзвычайных сітуацыях, арганізаваў падвоз вады сельгаскааператыў «Бубны». Нягледзячы на ўсе намаганні, дом уратаваць не ўдалося.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары