На Камчатцы двух вайскоўцаў пакаралі калоніяй за адмову ваяваць ва Украіне
Іх прызналі вінаватымі ў невыкананні загаду камандавання ў перыяд мабілізацыі.
![](http://nashaniva.com/img/w732d4webp1/photos/stock/rasijskijasaldaty-7sv2l.jpeg.webp)
На Камчатцы ў Расіі вайсковы суд асудзіў да двух з паловай гадоў калоніі агульнага рэжыму двух вайскоўцаў, якія адмовіліся ехаць на вайну ва Украіну, паведамляе «Украінская праўда».
Вайсковец Аляксандр Сцяпанаў адмовіўся ехаць ва Украіну 18 студзеня 2023 года, знаходзячыся ў штабе адной з вайсковых частак на Камчатцы.
Другі вайсковец, Андрэй Міхайлаў 21 студзеня адмовіўся выконваць аналагічны загад камандзіра, знаходзячыся ў клубе адной з вайсковых частак Петрапаўлаўска-Камчацкага.
Іх прызналі вінаватымі ў невыкананні загаду камандавання ў перыяд мабілізацыі.
З верасня 2022 года да канца красавіка 2023 года ў расійскія вайсковыя суды паступіла 1064 крымінальных справы ў дачыненні да вайскоўцаў, якія самавольна пакінулі месца службы, адмовіліся выконваць загад або дэзерціравалі.
У верасні 2022 года Уладзімір Пуцін падпісаў закон аб папраўках у Крымінальны кодэкс, якія павялічылі турэмныя тэрміны за пакіданне месца службы і дэзерцірства ва ўмовах баявых дзеянняў і мабілізацыі. Першая крымінальная справа была распачатая ў снежні 2022 года ў Мурманску.
-
Прапагандысты посцяць фота пра «раскошнае жыццё» прэм'еркі Эстоніі пры СССР. Аказалася, што здымак зроблены ў сярэдзіне 90-х
-
Дзмітрый Гардон атрымаў 14 гадоў калоніі ад расійскага суда — у тым ліку за зварот да беларусаў
-
Расійскі вайсковец планаваў узарваць будаўнічую краму ў Парыжы. Але падарваўся на ўласнай выбухоўцы
Каментары