У кіроўцы, які ўчора нібыта кінуў выбуховую прыладу ў вайскоўцаў, у кабіне была «экстрэмісцкая сімволіка» — лагатып «Рамштайна»
Следчы камітэт даў крыху падрабязнасцяў пра ўчарашні нібыта напад кіроўцы фуры на вайскоўцаў, якія былі «на ўзмацненні дзяржаўнай граніцы». Апублікаванае відэа, якое, праўда, нічога не тлумачыць.
Як сцвярджаюць лукашэнкаўскія следчыя, увечары 11 мая на аўтадарозе М-5 Мінск — Гомель паблізу вёскі Ясень Асіповіцкага раёна (гэта далёка ад любой мяжы) 50-гадовы кіроўца аўтамабіля DAF, які праязджаў ля вайсковай транспартнай калоны, зрабіў падрыў «неўстаноўленай прылады». Прылада тая нібыта была самастойна вырабленая з піратэхнічных вырабаў, мужчына кінуў яе ў бок вайскоўцаў і вайсковай тэхнікі, а пасля паспрабаваў уцячы.
Пры гэтым на паказаным відэа ў кабіне аўто — звычайныя петарды. Імаверна, нейкую з іх мог кінуць мужчына.
Падчас пераследу, як сцвярджаецца, ягоны аўтамабіль быў блакаваны вайскоўцамі, а сам мужчына затрыманы.
Падобна да таго, што чалавеку будуць шыць «палітыку», бо сцвярджаецца, што «кабіна аўтамабіля мужчыны аблепленая экстрэмісцкай сімволікай», а ў мабільным тэлефоне — «мноства падпісак на радыкальныя каналы, прызнаныя экстрэмісцкімі».
Сярод прадэманстраванай у відэа «экстрэмісцкай сімволікі» быў заўважаны і лагатып папулярнага нямецкага гурта «Рамштайн».
Супраць мужчыны, як паведамляецца, завялі крымінальную справу па артыкуле за асабліва злоснае хуліганства (ч. 3 арт. 339).
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс15
Віктар Лукашэнка засвяціў на пасяджэнні НАК свой гадзіннік — цяжкі люкс
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю77
Каментары
Ад стваральнікаў "крысы ў вадаправодзе"
"Хацелі коленьку у погреб у гомеле"
"гараж са зброяй перад выбарамі 2011"
Новы хіт "экстрэміст з Рамштайнам"