Адзначаецца кожную трэцюю нядзелю лістапада па рашэнні Генеральнай Асамблеі ААН ад 2005 года.
Адзначаецца кожную трэцюю нядзелю лістапада па рашэнні Генеральнай Асамблеі ААН ад 2005 года.
Па дадзеных Сусветнай арганізацыі аховы здароўя (СААЗ) , штогод у выніку дарожна-транспартных здарэнняў гіне каля 1,3 мільёна чалавек і яшчэ 50 мільёнаў чалавек атрымліваюць траўмы і робяцца інвалідамі. Дарожна-транспартныя здарэнні з’яўляюцца асноўнай прычынай смерці маладых людзей ва ўзросце ад 10 да 24 гадоў.
Сусветны дзень памяці ахвяр дарожна-транспартных здарэнняў быў заснаваны для таго, каб ушанаваць памяць ахвяраў і выказаць спачуванне іх сваякам.
СААЗ і Супрацоўніцтва ў рамках ААН у галіне бяспекі дарожнага руху заклікаюць ўрады і няўрадавыя арганізацыі ва ўсім свеце адзначаць гэты дзень з мэтай прыцягнення ўвагі грамадскасці да ДТЗ, іх наступстваў і звязаных з імі выдаткамі, а таксама да мераў, якія можна прыняць для іх папярэджання.
Як высветліла інфармагенцтва «Інтэрфакс», ДАІ Мінска і Мінскай вобласці не плануе з гэтай нагоды ніякіх мерапрыемстваў, а вось віцебскія дарожныя інспектары правядуць у нядзелю шэраг мерапрыемстваў. Магчыма, да іх далучацца калегі з іншых рэгіёнаў і сталіцы.
За 9 месяцаў 2009 года па віне кіроўцаў адбылася 3686 ДТЗ, у якіх 665 чалавек загінула і 4249 атрымалі раненні, паведамляе прэс-служба ДАІ МУС. Па віне нецвярозых кіроўцаў учынена 685 ДТЗ. 443 ДТЗ адбылося па прычыне парушэнняў правілаў праезду пешаходнага пераходу і 45 ДТЗ пры парушэнні вадзіцелямі правілаў праезду зон прыпынкаў грамадскіх транспартных сродкаў. Асаблівую трывогу выклікае той факт, што ДТЗ ўсё часцей адбываюцца на пешаходных пераходах, а іх ахвярамі становяцца дзеці. Варта адзначыць і такую асаблівасць: у шэрагу выпадкаў вінаватыя ў ДТЗ спрабавалі схавацца з месца здарэння, пакідаючы пацярпелага ў бездапаможным стане. За гэты ж перыяд па віне пешаходаў ўчынена 684 ДТЗ, у якіх 178 чалавек загінула і 520 атрымалі раненні. Па віне нецвярозых пешаходаў здзейснена 213 ДТЗ.
Цяпер чытаюць
Андрэя Пачобута памянялі на лукашэнкаўскіх шпіёнаў, арыштаваных у Польшчы36
Каментары