Да Дня горада ў Гродне з'явіцца мурал, на якім будуць намаляваныя гістарычныя сюжэты пра паляванне, паведаміў партал Newgrodno.by.
Гэты мурал з'явіцца на доме №11 па вуліцы Карла Маркса. У карціну ператворыцца сцяна будынка, што выходзіць на двор. Аўтарам яе стане вядомы гродзенскі мастак Уладзімір Качан.
Дом гэты — не выпадковы, у ім месціцца галерэя халоднай зброі «Грышук Арсенал». Ініцыятарам стварэння мурала выступіў уладальнік галерэі Анатоль Грышук, падтрымалі яго ініцыятыву і гарадскія ўлады. Плошча мурала будзе большая за 430 «квадратаў».
Твор будзе адлюстроўваць гісторыю горада ў сюжэтах і сцэнах на тэму палявання.
Зараз сцяну прыводзяць у парадак, роспіс пачнецца адразу пасля рамонту. Завяршыць яго плануюць да Дня горада, які ў Гродне традыцыйна адзначаюць у верасні.
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1212
Каментары