Траццякоўская галерэя адмовілася выдаваць РПЦ абраз Андрэя Рублёва «Тройца»
Стан «Тройцы», як вырашылі эксперты, пакуль не дазваляе вывезці яе з музея.
«Абраз «Святая Тройца» Андрэя Рублёва не падлягае выдачы за межы Траццякоўскай галерэі на свята Сёмухі 4 чэрвеня гэтага года з-за складанага і нестабільнага стану, а таксама непрадказальнасці працэсу негатыўных змен. Цяпер абраз знаходзіцца ў рэстаўрацыйнай майстэрні ў працэсе неадкладнай рэстаўрацыі помніка», — прыводзіць «Інтэрфакс» вытрымкі з пратакола пасяджэння экспертаў.
У РПЦ, як пішацца, паставіліся да рашэння з разуменнем.
«Умовы захоўвання павінны быць забяспечаны ў любым месцы —хоць у Траццякоўскай галерэі, хоць у Траецкім саборы лаўры, і тут не месца важна, а якасць той капсулы, у якую абраз будзе змешчаны», — заявіў кіраўнік экспертнага савета Маскоўскага патрыярхата па царкоўным мастацтве, архітэктуры і рэстаўрацыі протаіерэй Леанід Калінін.
Нагадаем, што ў маі Уладзімір Пуцін вырашыў перадаць «Тройцу» Андрэя Рублёва РПЦ у адказ «на просьбы вернікаў».
Абраз Андрэя Рублёва «Тройца» — адна з самых вядомых яго прац, напісаная ў XV стагоддзі. Да рэвалюцыі 1917 года абраз захоўваўся ў Троіца-Сергіевай лаўры, а потым савецкі ўрад перадаў яго ў Траццякоўскую галерэю.
У мінулым годзе, нягледзячы на пярэчанні рэстаўратараў, абраз ужо перадавалі Царкве на два дні для пакланення вернікаў. Пасля гэтага спецыялісты налічылі на ім 61 новае пашкоджанне.
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары
і ў расеі не ўсё страчана яшчэ) людзі ўсюды ёсць
гэта сапраўдны шэдэўр мастацтва. і ён не мусіць пакідаць сцены навуковай установы, дзе пра яго належным чынам змогуць паклапаціцца
дарэчы, калі яго ўзнавілі, (у мінулым стагодзі ў 97-м годзе)
я такая, міма прахадзя ля Кафедральнага сабору, думаю - дай завітаю - пагляджу на сьвятыню (па радыё тады сказалі, што некалькі дзён яна будзе там)
і што вы думаеце, у саборы мне адказалі?)
ну
вашы варыянты, спадары