Грамадства66

Алейнік ляціць да прэзідэнта, які кіруе краінай ужо 44 гады

2-3 чэрвеня міністр замежных спраў Сяргей Алейнік будзе знаходзіцца з афіцыйным візітам у Экватарыяльнай Гвінеі.

У рамках запланаваных мерапрыемстваў чакаюцца перамовы з прэзідэнтам Тэадора Абіянгам Нгема Мбасога, міністрам замежных спраў, міжнароднага супрацоўніцтва і дыяспары Сімяонам Аёна Эсона Ангуэ, прадстаўнікамі шэрагу міністэрстваў і дзелавых колаў.

«У ходзе візіту будуць абмеркаваны практычныя крокі па актывізацыі двухбаковых сувязей, развіцці гандлёва-эканамічнага супрацоўніцтва і паляпшэнні каардынацыі ўзаемадзеяння паміж Міністэрствамі замежных спраў дзвюх краін. Плануецца падпісанне шэрагу дакументаў», — паведамляе МЗС.

У Экватарыяльнай Гвінеі ёсць багатыя нафтавыя радовішчы, якія разам з замежнымі інвестыцыямі дапамаглі зрабіць краіну адной з самых багатых і стабільных дзяржаў Афрыкі. Пачынаючы з 1990-х гадоў гэта краіна стала буйным экспарцёрам нафты, за кошт чаго ВУП на душу насельніцтва падняўся на першую пазіцыю ў кантынентальнай Афрыцы. Па індэксе чалавечага развіцця Экватарыяльная Гвінея знаходзіцца на 145-м месцы ў свеце.

Тэадора Абіянгу Нгема Мбасога 5 чэрвеня споўніцца 81 год. Ён быў кадравым вайскоўцам, камандуючым Нацыянальнай гвардыяй. У жніўні 1979 года ажыццявіў вайсковы пераварот з дапамогай 400 наймітаў з Марока, і зрынуў пажыццёвага прэзідэнта краіны, свайго роднага дзядзьку — Франсіска Масіяса Нгема. Потым дзядзьку прысудзілі смяротнае пакаранне і ў той жа дзень расстралялі.

Тэадора Абіянг Нгема Мбасога кіруе краінай амаль 44 гады. Са студзеня 1986 года адначасова займае таксама пасаду міністра абароны краіны. На выбарах 1996 года ён быў адзіным кандыдатам і за яго прагаласавалі 97,85% чалавек. На наступных прэзідэнцкіх выбарах, якія прайшлі ў 2002 годзе, ён быў зноў пераабраны 97,1% галасоў.

У 2003 годзе дзяржаўнае радыё абвясціла, што Тэадора Абіянг Нгема «падобны да Бога на нябёсах» і знаходзіцца «ў пастаянным кантакце з Усёмагутным», прычым прэзідэнт валодае «ўсёй уладай над людзьмі і рэчамі».

Тэадора Абіянг Нгема Мбасога часта прызначаў на вышэйшыя дзяржаўныя пасады сваіх сваякоў. Тэадора Нгема Абіянг Мангу, сын прэзідэнта ад першага шлюбу, у розны час працаваў міністрам лесу, рыбнай гаспадаркі і навакольнага асяроддзя (2001—2003), міністрам інфраструктуры і лесу (2003—2004), а з 2004 года ўзначальвае Міністэрства сельскай гаспадаркі і лесу. Габрыэль Мбега Абіянг Ліма, сын прэзідэнта ад другога шлюбу, быў дзяржаўным сакратаром па здабыўной прамысловасці і вуглевадародах (2001—2004), затым быў прызначаны намеснікам міністра горназдабыўной прамысловасці і энергетыкі. Антоніа Мба Нгема, малодшы брат прэзідэнта, працаваў генеральным дырэктарам паліцыі. І такіх сваякоў яшчэ з дзясятак.

Каментары6

  • Ёсік
    01.06.2023
    Мой гаспадар прасіў даведацца ў вас, як такі доўгі тэрмін можна быць прэзідэнтам. Можа ў вас ёсьць рэцэпт? Усе павінны зьбяднець, у краіне галеча, калючы дрот і гвалт, дзякуй, абавязкова перадам, нам шчэ ёсьць куды рахацца.
    Алейнік больш на моль падобны, а не на кіраўніка МЗС.
  • mikola
    01.06.2023
    Na uspamin pryisou futbalist Minskaga Dynama(1982) Sjargei Aleinikau.......Toi hoc guljau-dobra !
  • хтосьці
    01.06.2023
    Навошта называць гэта прэзідэнтам?

Цяпер чытаюць

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал14

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Усе навіны →
Усе навіны

Намеснік кіраўніка Пентагона раскрытыкаваў удары Украіны па Расіі і датэрмінова пакінуў «Рамштайн»16

48‑гадовага аўтамаляра з Гарадка асудзілі да калоніі. Меркавана, за каментарыі ў падтрымку Украіны1

Стваральнік Claude прыцягнуў рэкордныя 81,3 мільярда даляраў пры выхадзе на біржу

Уладзімір Мацкевіч: Пенсіі ў Літве ў мяне няма10

Кавалер збег са спаткання, не заплаціўшы за вячэру. Ці павінна дзяўчына аплачваць увесь рахунак?12

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку32

Трамп і Пуцін абмяркоўвалі вайну ва Украіне1

Інфапункты для беларусаў за мяжой створаць у Вільні, Варшаве і Познані. Колькі ў іх будзе супрацоўнікаў і хто стане плаціць заробкі?6

Украіна трэці раз з пачатку тыдня атакавала Крымскі мост1

больш чытаных навін
больш лайканых навін

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал14

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Галоўнае
Усе навіны →

Заўвага:

 

 

 

 

Закрыць Паведаміць