Успышка была такой сілы, што яму давялося звярнуцца да дактароў. Яго шпіталізавалі.
Здарэнне адбылося пад горадам Буда-Кашалёва, як расказалі ў прэс-службе МНС.
14 чэрвеня каля 02.45 прыйшло паведамленне, што ў прыёмны пакой Гомельскай гарадской клінічнай бальніцы №1 паступіў 45-гадовы мужчына з тэрмічнымі апёкамі рук, ног і жывата.
Ратавальнікі высветлілі, што жыхар вёскі Уза вырашыў патушыць вогнішча ў сябе ў двары. Але з нейкай прычыны выліў у вогнішча не ваду, а бензін.
Успышка была такой сілы, што вяскоўцу давялося звярнуцца да дактароў.
Яго шпіталізавалі з дыягназам «тэрмічны апёк полымем правай ніжняй канечнасці, левай галёнкі, абедзвюх верхніх канечнасцяў, пярэдняй брушной сценкі 1-2-3 ступені».
Каментары