У вёсцы Куратава ў Рэспубліцы Комі адкрылі мемарыяльную дошку. Нават адразу дзве — у гонар Сямёна і Аляксандра Тутрынавых. На непрыкметную падзею звярнуў увагу расійскі багаслоў Андрэй Кураеў.
«Сяло Куратава ў Комі — маленькае, тут жыве ўсяго 300 чалавек. Некалькі дзён таму на сценах мясцовай школы зʼявіліся дзве памятныя дошкі.
На адной — Сямён Тутрынаў. Нарадзіўся ў 1981 годзе. Прызваны на службу ў 2000-м. У студзені 2001 года ў яго нарадзіўся сын Аляксандр. У студзені 2002 года Сямён загінуў у Чачні.
На другой памятнай дошцы — Аляксандр Тутрынаў. Прызваны ў армію ў снежні 2019 года, неўзабаве падпісаў кантракт. У 2022 годзе яго скіравалі ва Украіну. Памёр ад ран у ліпені 2022 года.
Дзяцей пасля сябе не пакінуў.
Бацька пражыў 20 гадоў, сын — 21 год», — напісаў Кураеў.
На кадры таксама — самаўпэўненыя чыноўнікі, што пазіруюць каля памятных дошак, і хударлявыя юнармейцы з аўтаматамі ці іх макетамі.
«Прынясіце мне, звяры, вашых дзетачак, я сёння іх за вячэрай з'ем», — азагаловіў свой допіс Андрэй Кураеў.
Каментары
а у нас вот...
караев...