«Прах бацькі прывезлі ў Беларусь, але пахавання не было…» — дачка праваабаронцы Алега Гулака
Паўгода прайшло з таго часу, як не стала праваабаронцы, кіраўніка Беларускага Хельсінкскага камітэта Алега Гулака.
Алег Гулак удзельнічаў у якасці грамадскага абаронцы ў дзясятках судовых спраў, грамадскіх дзеянняў па абароне правоў чалавека.
Пасля падзей 2020 года ў мэтах бяспекі праваабаронца пакінуў межы Беларусі і апошнім часам жыў у Вільні. Казаў, што знаходзіцца не ў палітычнай эміграцыі, а ў «творчай камандзіроўцы».
16 снежня яго не стала.
Грамадзянская паніхіда прайшла 20 снежня ў Вільні, цела было крэміравана.
«Ужо тады вырашылі, што бацька будзе пахаваны на Радзіме, у вёсцы Жылічы, — распавяла «Народнай Волі» Дамініка Гулак, дачка праваабаронцы. — Прах ужо прывезлі ў Беларусь, але пахавання пакуль не было».
Па словах Дамінікі, цяпер блізкія «вырашаюць эстэтычныя пытанні з помнікам», які будзе ўстаноўлены Алегу Гулаку.
«Пакуль агульнага рашэння няма, усім разам цяжка пагадзіцца на помнік, які задавальняў бы ўсіх, — дадае суразмоўца. — Калі з’явіцца інфармацыя пра захаванне таты, думаю, я паведамлю пра гэта».
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе11
Каментары