Палітвязня Сяргея Капанца хочуць перавесці на турэмны рэжым. У ШІЗА ён правёў прыкладна 150 сутак
Суд раней асудзіў палітвязня на пяць з паловай гадоў калоніі ва ўмовах узмоцненага рэжыму.
Сябра ініцыятыўнай групы Віктара Бабарыкі Сяргея Капанца абвінавацілі ў дапамаганні Сцяпану Пуцілу, Раману Пратасевічу і іншым асобам у «арганізацыі масавых беспарадкаў», што выявілася ў перадачы інфармацыі ў бот «экстрэмісцкага» тэлеграм-канала, а таксама ў распаўсюдзе ўлётак, паведамляе «Вясна».
Суд раней асудзіў палітвязня на пяць з паловай гадоў калоніі ва ўмовах узмоцненага рэжыму.
Былы вязень наваполацкай калоніі распавёў пра ціск на Сяргея:
«Напрыклад, Сяргей Капанец быў у ШІЗА за тое, што пагутарыў з Віктарам Бабарыкам. Наогул Сяргей Капанец — самы часты госць ШІЗА ў ПК-1. Яму вешаюць парушэнні заўсёды з выдуманых прычын. Ён ездзіць у ШІЗА ледзь не штомесяц. Агулам у яго сабралася каля 150 сутак у ШІЗА».
У Наваполацку 29 чэрвеня адбудзецца суд па змене Сяргею рэжыму ўтрымання на турэмны. Справу будзе разглядаць суддзя Таццяна Хрыпач.
Падтрымайце палітвязня: ПК №1, 211440, г. Наваполацк, вул. Тэхнічная, 8.
Што запісана афіцыйнай прычынай смерці адзінага сына Ярмошынай?9
Каментары