Гісторыя з мільёнам рублёў за «падбіты танк» можа быць фэйкам — «Агентство»
Журналісты выдання «Агентство» звярнулі ўвагу на навіну аб атрыманні вайскоўцам Андрэем Краўцовым грашовай выплаты ў памеры аднаго мільёна рублёў за тое, што той нібыта падбіў нямецкі танк. «Агентство» адзначае, што ў гэтай гісторыі ёсць некалькі нестыковак.
12 чэрвеня вайсковец Андрэй Краўцоў атрымаў з рук Уладзіміра Пуціна ордэн Мужнасці. Падчас размовы ні Пуцін, ні вайсковец не згадвалі «падбіты танк».
Сустрэча Андрэя Краўцова з Уладзімірам Пуціным прайшла ўсяго праз некалькі дзён пасля першых паведамленняў аб падбітых танках.
А першае відэа, на якім відаць пашкоджанні танка Leopard, Мінабароны апублікавала 8 чэрвеня — за чатыры дні да сустрэчы Пуціна з вайскоўцам.
На відэа з Андрэем Краўцовым са шпіталя можна заўважыць, што ў вайскоўца ампутавана рука. Па словах былога хірурга, з якім пагутарылі журналісты «Агентства», такая аперацыя можа доўжыцца каля дзвюх гадзін, яшчэ каля двух дзён неабходна на аднаўленне.
Раненне Андрэй Краўцоў, магчыма, атрымаў у Запарожскай вобласці — менавіта там па даных праекта Ukraine Weapons Tracker не пазней за 8 чэрвеня падбілі першы танк Leopard. Адпаведна, усяго за чатыры дні вайскоўца павінны былі даставіць у шпіталь, прааперыраваць і перавезці ў Падмаскоўе.
Таксама, як адзначае выданне, усе, хто сустракаецца з Уладзімірам Пуціным, дагэтуль абавязаныя праходзіць як мінімум двухтыднёвы каранцін. На відэа са шпіталя, апублікаваным 12 чэрвеня, Уладзімір Пуцін не трымае дыстанцыі, размаўляючы з вайскоўцамі.
Аб уручэнні мільёна рублёў за падбіты Leopard Мінабароны паведаміла напярэдадні. Гэта першы выпадак такога ўзнагароджання.
Грошы ўручыў сенатар Аляксандр Карэлін, патлумачыўшы, што гэта грошы ад «сібірскіх прадпрымальнікаў». У публікацыі Мінабароны гаворыцца, што сродкі выдзеліў фонд «Забота Сибири». Журналіст Дзмітрый Колезеў звярнуў увагу, што такога фонду юрыдычна не існуе.
Цяпер чытаюць
«А зможаце вылецець заўтра?» Джон Коўл расказаў, як піў з Лукашэнкам гарэлку, каб дамовіцца пра вызваленне палітвязняў7
Каментары
В этом блокбастере умиляют все!