Аперацыя ідзе згодна з планам: Залужны ўпершыню апублікаваў ВІДЭА візіту на перадавую
Гэта не першы візіт Залужнага на перадавую, аднак гэта першае відэа з галоўнакамандуючым у зоне баявых дзеянняў.
Галоўнакамандуючы УСУ Валерый Залужны апублікаваў упершыню відэа свайго візіту на перадавыя пазіцыі ўкраінскіх вайскоўцаў, піша «Украінская праўда».
«Разам з начальнікам Генеральнага штаба Узброеных сіл Украіны генерал-лейтэнантам Сяргеем Шапталам правялі працу ў групоўках войскаў, якія выконваюць самыя складаныя задачы ў раёнах, дзе ідуць самыя жорсткія баі».
На відэа таксама патрапілі гадзіннікі з датай візіту Залужнага — 17.06.2023.
Залужны адзначыў, што праціўнік, каб не дапусціць прасоўвання ўкраінскіх падраздзяленняў, разгарнуў сістэму фартыфікацыйных умацаванняў са шчыльным мініраваннем мясцовасці і вялікай колькасцю рэзерваў.
Аднак, паводле яго, украінцы робяць усё магчымае для вызвалення ўкраінскай тэрыторыі.
Гэта не першы візіт Залужнага на перадавую, але гэта першае відэа з галоўнакамандуючым у зоне баявых дзеянняў.
«Аперацыя працягваецца ў адпаведнасці з планам», — напісаў ён.
Палову мая расійскія медыя мусолілі тэму, што Залужны або забіты, або моцна паранены, а на мінулым тыдні Пуцін падчас размовы з «ваенкарамі» заявіў, што Залужны знаходзіцца не ва Украіне.
Цяпер чытаюць
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай6
Каментары