Пентагон адказаў Шайгу, які баіцца ўдараў HIMARS і Storm Shadow па Крыме
У Пентагоне пракаментавалі заявы міністра абароны РФ Сяргея Шайгу, які пагражаў ударамі па «цэнтрах прыняцця рашэнняў» ва Украіне ў выпадку нанясення ўдараў па акупаваным Крыме. Як паведамляе «Еўрапейская праўда», заяву на брыфінгу зрабіла намеснік спікера Пентагона Сабрына Сінгх.
Сінгх нагадала Шайгу, што Крым — гэта частка Украіны і што ЗША падтрымліваюць намаганні ўкраінскіх Узброеных сіл па вяртанні сваіх суверэнных тэрыторый.
«Украінцы робяць усё магчымае з абсталяваннем, з магчымасцямі, якія ёсць у іх на полі бою, каб працягваць адціскаць расіян далей, і мы падтрымліваем іх намаганні па вяртанні сваёй суверэннай тэрыторыі», — сказала Сінгх.
Яна дадала, што ЗША будуць падтрымліваць Украіну столькі, колькі спатрэбіцца ў барацьбе супраць Расіі.
Напярэдадні Шайгу на ваеннай калегіі пачаў пагражаць ударамі па «цэнтрах прыняцця рашэнняў» ва Украіне ў выпадку, калі Узброеныя сілы нанясуць удары па акупаваным Крыме.
Шайгу сцвярджае, што акупаваны ўкраінскі паўвостраў нібыта знаходзіцца па-за зонай баявых дзеянняў, таму магчымыя ўдары па Крыме расійскае вайсковае кіраўніцтва расцэніць як уцягванне ў вайну ЗША і Вялікабрытаніі і ўдарыць у адказ па «цэнтрах прыняцця рашэнняў» ва Украіне.
Аперацыя ідзе згодна з планам: Залужны ўпершыню апублікаваў ВІДЭА візіту на перадавую
Ва Украіну паставілі зенітна-ракетны комплекс сярэдняй далёкасці SAMP/T — Le Monde
«Калі шалёны дыктатар аддасць загад — кідайце зброю. Інакш адзінае, што вас чакае, — гэта смерць». На ўкраінска-беларускай мяжы прагучаў зварот палка Каліноўскага да беларускіх вайскоўцаў
Каментары