Нелегальных мігрантаў на польска-беларускай мяжы становіцца болей, іх тактыка мяняецца
Мігранты выкарыстоўваюць новую тактыку пры спробах перасячы польскую мяжу з боку Беларусі, і іх ціск на польскіх памежнікаў расце, як піша reform.by.
Як расказала прэс-сакратарка Памежнай аховы Польшчы Ганна Міхальска, цяпер пасля перасячэння мяжы вялікая група мігрантаў разбіваецца на групы па 2-3 чалавекі, каб іх было цяжэй выявіць.
Міхальска канстатавала рост агрэсіўнасці парушальнікаў. У гэтым годзе пашкодзілі 13 патрульных аўтамабіляў, пры гэтым сем з іх — у чэрвені. У польскія патрулі ўсё часцей ляцяць галінкі і камяні. Таксама два аўтамабілі атрымалі пашкоджанні падчас пераследу перавозчыкаў мігрантаў.
Прэс-сакратарка Памежнай аховы таксама паўтарыла засцярогі, выказаныя раней польскімі і літоўскімі памежнікамі, наконт рызыкі правакацый падчас саміту НАТА.
Яна яшчэ раз адзначыла, што, на думку польскіх службаў, перад нядаўна прызначаным старшынёй ДПК Канстанцінам Моластавым паставілі задачу ўзмацніць міграцыйны ціск.
Акрамя таго, павелічэнню колькасці мігрантаў можа садзейнічаць бязвізавы рэжым для наведвальнікаў «Славянскага базару ў Віцебску», які пройдзе ў ліпені.
Усяго за гэты год польскія памежнікі зарэгістравалі амаль 13 тысяч спробаў парушэння мяжы. У 2022-м за ўвесь год было толькі 16 тысяч спроб.
Акрамя таго, былі затрыманыя 400 перавозчыкаў мігрантаў, што больш, чым за ўвесь мінулы год.
-
Беларус з праблемамі з псіхікай стаў у Расіі намінальным дырэктарам. А як справа накрылася, забралі на фронт — у адзін канец
-
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
-
«Кіберпартызаны» і група Silent Crow заявілі пра ўзлом Расстата і атрыманне даных пра ваенныя страты
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары