Кірылу Клімава асудзілі на чатыры гады за шэсць данатаў па дзесяць даляраў
У Мінскім гарадскім судзе 26 чэрвеня вынеслі прысуд мінчуку Кірылу Клімаву, якога судзілі паводле арт. 361-2 (фінансаванне дзейнасці экстрэмісцкага фармавання) Крымінальнага кодэкса. Суддзя Любоў Сімахіна прызначыла Кірылу чатыры гады пазбаўлення волі ў калоніі ва ўмовах агульнага рэжыму, паведаміла «Вясна».
Кірылу Клімаву 38 гадоў. Ён шмат гадоў працаваў у Акадэміі навук, а пасля ў прыватных фірмах.
Мужчыну затрымалі 23 лютага 2023 года раніцай, калі ён ішоў на працу. У яго дома правялі вобшук.
Спачатку Кірылу арыштавалі на 15 сутак, пасля чаго не выпусцілі. Яго абвінавацілі ў тым, што мужчына з чэрвеня 2020-га па май 2021 года праз плацежную сістэму Facebook fundraising ахвяраваў грошы ў ініцыятывы By_help, BYSOL, «Сумленныя людзі». На пасяджэнні Кірылу прад’явілі шэсць данатаў па дзесяць даляраў кожны.
Кірыла не прызнаў віну. Ён не адмаўляў пералічэння сродкаў, але патлумачыў, што ахвяраваў іх на дапамогу рэпрэсаваным.
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары
Мразота здзекуецца нават над уласнымі недазаконамі, спрабуючы знішчыць людскую салідарнасць. У бан-ліст такіх, каб нават лыча ў нармальных краінах не паказвалі