Уладзіслаў Наважылаў прэзентаваў песню «Прагны з багны» — кавер на чэшскага «Ёжына з бажын»
Музыка Уладзіслаў Наважылаў, вядомы таксама як фронтмен гурта «Gods Tower» Lesley Knife, пад псеўданімам N.O.Ž. прэзентаваў песню «Прагны з багны». Гэта кавер-версія на легендарную чэшскую песню Jožin z bažin, што выконваў гурт Banjo Band Івана Младэка.
«Гэта версія жудаснай гісторыі сустрэчы аўтамабіліста, старшыні калгаса і балотнага монстра напісаная з улікам рэалій паўднёвай Беларусі, яна ўхваленая Алесем Плоткам і бласлаўлёная маім катом Ёкам. А найгалоўнае, што я ў кліпе здымаюся не самотна, як заўжды, а разам з крутымі дзядзькамі!
У ролях:
Галоўны герой — я і яшчэ адзін я;
Старшыня калгаса — Андрэй Апановіч;
Прагны з Багны — Міхал Шведаў.
Ну і карацей, не сумуйце. Загляне Сонца і ў наша аконца», — напісаў музыка ў апісанні кліпа.
Кавер-версію можна параўнаць з арыгінальнай версіяй Jožin z bažin:
Каментары