Былы прэзідэнт Грузіі Міхаіл Саакашвілі з'явіўся па відэасувязі на пасяджэнні суда пасля доўгага перапынку.
На відэа відаць, як схуднеў і асунуўся палітык. Падчас суда ён знаходзіцца ў бальніцы.
«Я магу быць фізічна слабым, але я вельмі моцны знутры, я вельмі моцны!» — прыводзіць словы Саакашвілі падчас судовага працэсу яго былая прэс-сакратарка і прыкладае скрыншоты.
У турму Саакашвілі трапіў 1 кастрычніка 2021 года, калі вярнуўся ў Грузію. Ён абвінавачваецца па некалькіх крымінальных справах. Па некаторых з іх Саакашвілі быў асуджаны да шасці гадоў зняволення яшчэ да вяртання ў Грузію. Па стане здароўя ён знаходзіцца ў тбіліскай клініцы і ў судзе ўдзельнічае анлайн.
У лютым паведамлялася, што палітык важыў 67 кг — амаль на 50 меней, чым быў да зняволення.
Каментары
Пра саакашвили усе забылися