«Аднаўляюся пасля «курорта». Надзея Астапчук расказала, чым цяпер займаецца
Надзея Астапчук — вядомая штурхальніца ядра, бронзавая прызёрка Алімпіяды-2008 і спартсменка, якая пасля 2020 года выступіла супраць гвалту і за правядзенне сумленных выбараў. За гэта ёй давялося прайсці праз двухмесячнае зняволенне. «Народная Воля» пацікавілася ў Надзеі, чым яна займаецца цяпер.
Пасля вызвалення з ЦІП на Акрэсціна ў лютым гэтага года знакамітая спартсменка была вымушаная даць «інтэрв'ю» прапагандысту Марату Маркаву. Пасля таго яна на паўгода знікла. Тэлефон Надзеі быў адключаны, на паведамленні яна не адказвала. І толькі ў мінулым месяцы Астапчук аб'явілася ў сацыяльных сетках, выставіўшы калаж з фота, дзе яна знятая з рознымі прычоскамі.
Гэтым разам тэлефон Надзея Астапчук узяла, але адказ яе быў кароткім:
«Пакуль без інтэрв'ю, расказаць нейкія падрабязнасці ў гэты момант не магу. Як кажуць у адной моднай фразе: «Прашу паставіцца да гэтага з разуменнем!»
На пытанне, чым яна цяпер займаецца і якія мае планы, колішняя чэмпіёнка адказала:
«Аднаўляюся пасля «курорта». Акрамя таго, займаюся назапашанымі за паўгода пытаннямі і па магчымасці дапамагаю людзям, якія былі ці знаходзяцца ў такой жа сітуацыі, як і я».
Чытайце таксама:
Гандбольны клуб «Віцязь», які ў 2020 годзе застаўся з народам, вяртаецца ў гульню
Футбаліст, які адмовіўся гуляць у зборнай пры Лукашэнку, перайшоў у польскі клуб
Цяпер чытаюць
Сталініста-ябацьку з Гомеля затрымалі пасля таго, як ён запрасіў Лукашэнку на гвалтоўнае закрыццё свайго трэцяга кафэ4
Каментары