Беларускія педагогі будуць павышаць сваю кваліфікацыю ў цесным кантакце з Масквой
Віцебскі абласны інстытут развіцця адукацыі, які ладзіць для настаўнікаў гэтай вобласці курсы павышэння кваліфікацыі, заключыў дамову аб супрацоўніцтве з расійскай установай падобнага профілю «Акадэмія Мінасветы Расіі», піша «Віцебская вясна». І гэта не адзінкавы выпадак, а сістэмны падыход.
У чэрвені, як паведамляецца, прадстаўнікі той жа расійскай акадэміі прыязджалі ў Беларускі дзяржаўны педагагічны ўніверсітэт імя Максіма Танка, дзе таксама падпісалі дамову аб супрацоўніцтве, а яшчэ адну — з Мінскім гарадскім інстытутам развіцця адукацыі. Такім чынам расійская ўстанова, як выглядае, хоча ўплываць на як будучых беларускіх настаўнікаў, так і цяперашніх.
На сайце «Акадэміі Мінасветы Расіі» падкрэсліваецца, што метадычная дапамога настаўнікам тычыцца не толькі прадметаў, якія вывучаюцца ў школе, але і розных аспектаў патрыятычнага выхавання: «фармавання грамадзянскай ідэнтычнасці, культурнай спадчыны народаў Расіі ва ўмовах сучасных выклікаў і лічбавай трансфармацыі». На старонцы ж «ВКонтакте» ад імя ўстановы пастаянна размяшчаюцца навіны, датычныя расійскага ўварвання ва Украіну.
Рэктар Полацкага ўніверсітэта прызнаў, што большасць выкладчыкаў у 2020-м падтрымалі пратэсты
«Можаце не ўступаць, але навошта бацькам марнаваць грошы на арэнду кватэры?» У МДЛУ палохаюць, што без членства ў прафсаюзе і БРСМ не заселяць у інтэрнат
«Дачка марыла стаць настаўнікам гісторыі, а сёння марыць з'ехаць з краіны». Бацькі беларускіх школьнікаў расказалі, якія планы цяпер у іхніх дзяцей
Бліжэйшым часам будуць вызвалены больш за 150 палітзняволеных39
Каментары