Нацыянальная баскетбольная асацыяцыя прэзентавала фармат і склад груп новага турніру, які пройдзе паралельна з рэгулярным сезонам. Галоўны трафей турніру атрымаў назву Кубак НБА.
На групавым этапе каманды разбітыя на шэсць квінтэтаў, тры з іх складзеныя з клубаў Заходняй канферэнцыі і тры — з Усходняй. Склад груп быў вызначаны лёсаваннем: прадстаўнікі кожнай канферэнцыі былі размеркаваныя па пяці кошыках згодна са становішчам у табліцы ў рэгулярным чэмпіянаце мінулага сезона, як піша Championat.com.
Усход
Група A: «Філадэльфія Сіксерс», «Кліўленд Кавальерс», «Атланта Хоўкс», «Індыяна Пэйсерс», «Дэтройт Пістанс».
Група B: «Мілуокі Бакс», «Нью-Ёрк Нікс», «Маямі Хіт», «Вашынгтон Уізардс», «Шарлот Хорнэтс».
Група С: «Бостан Сэлтыкс», «Бруклін Нэтс», «Таронта Рэптарс», «Чыкага Булз», «Арланда Мэджык».
Захад
Група A: «Мэмфіс Грызліз», «Фінікс Санс», «Лос-Анджэлес Лейкерс», «Юта Джаз», «Портленд Трэйл Блэйзерс».
Група B: «Дэнвер Нагетс», «Лос-Анджэлес Кліперс», «Нью-Арлеан Пеліканс», «Далас Мэвэрыкс», «Х'юстан Рокетс».
Група С: «Сакрамэнта Кінгз», «Голдэн Стэйт Уорыарс», «Мінесота Тымбервулвз», «Аклахома-Сіці Тандэр», «Сан-Антоніа Спёрс».
Кожная каманда правядзе ў групе чатыры матчы — па разе з усімі сапернікамі ў квінтэце. Матчы пройдуць 3, 10, 14, 17, 21, 24 і 28 лістапада.
З кожнай групы ў плэй-оф выйдуць іх пераможцы і найлепшая сярод другіх камандаў у групах ад кожнай канферэнцыі.
Чвэрцьфіналы турніру пройдуць 4 і 5 снежня на пляцоўках клубаў з больш высокім пасевам пасля першай стадыі турніру.
Паўфіналы адбудуцца на «Ці-Мобайл арэне» ў Лас-Вегасе 7 снежня, а фінал будзе згуляны там жа 9 снежня.
Каманды з розных канферэнцый не сустрэнуцца паміж сабой да вырашальнага матча турніру.
Гульцы каманды-пераможцы заробяць кожны па $ 500 тысяч, фіналісты — па $200 тысяч, паўфіналісты — па $ 100 тысяч, чвэрцьфіналісты — па $ 50 тысяч.
Галоўны трафей турніру атрымаў назву Кубак НБА.
Спявак Дзмітрый Калдун паказаў сваю мінскую кватэру недалёка ад Драздоў ШМАТ ФОТА16
Каментары