У Беларусі прадаюць незвычайную даляравую банкноту па цане ў 40 раз большай за курс
У Беларусі на аўкцыёне з’явіўся незвычайны лот: банкнота наміналам $10, якую прадаюць па курсе, што ў каля 40 разоў вышэйшы за звычайны — мінімум за Br1200. І цана яшчэ можа вырасці, бо таргі толькі пачаліся, піша Tochka.by.
Тлумачыцца такая неадпаведнасць вельмі проста: купюра калекцыйная. Гэта так званы залаты сертыфікат ЗША ўзору 1922 года. Такія банкноты ў свой час можна было абмяняць на золата па намінале — уладальнік мог атрымаць у банку золата на суму, пазначаную на купюры.
Прадаецца экзэмпляр у стане Very Good (VG) — гэта значыць, што банкнота добра захавалася, але мае прыкметы выкарыстання. Для калекцыянераў такі стан лічыцца прымальным і нават прывабным.
Залатыя сертыфікаты выпускаліся ў ЗША з 1879 па 1934 год і выкарыстоўваліся пераважна ў банках і дзяржаўных установах. Намінал у $10 быў самы маленькі — існавалі таксама купюры на $20, $50, $100, $500 і нават $100 000 (апошняя, праўда, у вольнае абарачэнне не трапляла).
З абарачэння такія грошы зніклі пасля таго, як у 1933 годзе прэзідэнт Франклін Дэлана Рузвельт адмяніў залаты стандарт. Сёння яны фармальна застаюцца сапраўднымі, але ў штодзённых разліках не выкарыстоўваюцца і маюць каштоўнасць менавіта як рэдкія калекцыйныя прадметы.
Цяпер чытаюць
Герой Беларусі Марына Васілеўская нарадзіла дачку ад касманаўта Алега Навіцкага36
Каментары