Стваральнік брыгады «Эспаньёла» стане першым удзельнікам вайны ва Украіне, з якім развітаюцца ў Храме Хрыста Збаўцы ў Маскве.
Цырымонія развітання са стваральнікам ультраправой брыгады «Эспаньёла» Сяргеем «Іспанцам» Арловым, які загінуў пры загадкавых абставінах, адбудзецца 22 снежня ў Храме Хрыста Збаўцы ў цэнтры Масквы, паведамілі ў тэлеграм-канале падраздзялення, заснаванага ім.
Гэта першы вядомы ўдзельнік вайны ва Украіне, з якім развітаюцца ў галоўным храме РПЦ, піша «Агенцтва».
У Храме Хрыста Збаўцы адпяваюць вядомых дзеячаў культуры, высокапастаўленых чыноўнікаў і святароў краіны. Тут развітваліся з першым прэзідэнтам Расіі Барысам Ельцыным, былым мэрам Масквы Юрыем Лужковым, акцёрам і рэжысёрам Станіславам Гаварухіным, кампазітарам Мсціславам Растраповічам і пісьменнікам Валянцінам Распуціным, заснавальнікам ЛДПР Уладзімірам Жырыноўскім, скульптарам Зурабам Цэрэтэлі.
Публічна вядомы толькі адзін выпадак адпявання ў храме памерлага, звязанага з вайной ва Украіне, — ваеннага протаіерэя Міхаіла Васільева. Ён загінуў у лістападзе 2022 года ў Херсонскай вобласці падчас удару HIMARS. Пуцін пасмяротна надаў святару званне Героя Расіі.
Паведамленне «Эспаньёлы» стала першым пацвярджэннем чутак пра гібель Арлова, якія з’явіліся больш за тыдзень таму. З допісу не зразумела, што стала прычынай смерці.
«Не можам не адзначыць, што многіх цікавяць прычыны гібелі Іспанца, і нас — не ў меншай ступені. У цяперашні час цэнтральныя следчыя органы ўстанаўліваюць дакладную прычыну і месца гібелі, а таксама вінаватых. Афіцыйная інфармацыя будзе апублікаваная па выніках расследавання», — напісалі ў канале.
Паводле даных Mash, Арлоў перад смерцю некалькі дзён знаходзіўся ў коме. Імаверна, Арлоў быў забіты падчас затрымання. Звязаны з Міністэрствам абароны блог «Рыбар» паведаміў, што Арлоў загінуў пры спробе супраціву арышту.
Цяпер чытаюць
Сёстры Груздзевы цяпер важаць пад 100 кілаграмаў кожная19
Сёстры Груздзевы цяпер важаць пад 100 кілаграмаў кожная
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе9
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары