«Я буду рады вітаць яго сёння ўвечары падчас вячэры і на інаўгурацыйнай сустрэчы Рады Украіна — NATO заўтра», — сказаў сёння Енс Столтэнберг.
Прэзідэнт Уладзімір Зяленскі прыбудзе ў Вільню ў аўторак, ён возьме ўдзел у вячэры, а таксама ў пасяджэнні Рады Украіна — NATO ў сераду. Пра гэта, як паведамляе «Еўрапейская праўда», заявіў генеральны сакратар NATO Енс Столтэнберг перад пачаткам саміту NATO ў Вільні.
«Прэзідэнт Зяленскі прыедзе ў Вільню. Я буду рады вітаць яго сёння ўвечары падчас вячэры і на інаўгурацыйнай сустрэчы Рады Украіна — NATO заўтра», — сказаў Столтэнберг, адказваючы на пытанне аб магчымай адмове Зяленскага ад візіту, калі Украіне не будзе прапанавана запрашэнне стаць сябрам Альянсу.
Ён падкрэсліў, што саюзнікі дашлюць моцны пазітыўны сігнал адносна шляху Украіны да сяброўства ў NATO.
Аднак генеральны сакратар дадаў таксама, што пакуль не будзе казаць аб канкрэтыцы канчатковай заявы.
Як паведамлялася, Енс Столтэнберг упэўнены ў станоўчай фармулёўцы адносна сяброўства Украіны ў камюніке саміту, якое будзе прынята праз некалькі гадзін.
-
Пуцін на закрытай сустрэчы з буйнымі бізнэсменамі прапанаваў ім добраахвотна прафінансаваць вайну з Украінай
-
У ЗША збіраюцца выпускаць даляры з подпісам Трампа
-
«Трэба сесці і размаўляць. Калі не атрымліваецца — устаць і пайсці». Коўл заявіў пра неабходнасць дыялогу паміж Беларуссю і Літвой на ўзроўні міністраў замежных спраў
Цяпер чытаюць
У Беларусі больш не будуць прымаць платнікаў у медуніверсітэты. Што пра гэта кажуць дактары?1
Каментары