Гайдукевіч прызначыў узнагароджанне за прымусовы прывоз Паўла Латушкі ў Беларусь
Але сума, якую дае лукашэнкаўскі прапагандыст, невялікая.
Алег Гайдукевіч. 2018 год. Фота: «Наша Ніва»
«Бегае на каленях па кабінетах, выпрошвае нейкія крымінальныя пераследы — абы нагадзіць краіне! Як рэагаваць? Ён павінен панесці пакаранне. Як лідар партыі, мы два гады таму давалі ўзнагароду 150 даляраў, каб яго прывезлі сюды. Я павялічваю ўзнагароду — 220 даляраў у беларускіх рублях (па курсе на сёння гэта 666 рублёў і 20 капеек — «НН»)! Каб гэту жывёліну прывезлі сюды ў Мінск, толькі жывога, не біць, у СІЗА. Бо я ўпэўнены, на наступны дзень ён будзе поўзаць і распавядаць, што ён ні ў чым не вінаваты і заўсёды быў за Лукашэнку», — заявіў Гайдукевіч у інтэрв'ю «Мінск-Навінам».
Раней Гайдукевіч заяўляў, што праціўнікаў рэжыму варта прывозіць сілком у багажніку.
Сваяк Віктара Лукашэнкі забраў будынак у дзіцячай паліклінікі і адкрыў там аддзяленне КДБ, дзе дапытваюць беларусаў6
Каментары