У Польшчы раскрылі цяперашнюю колькасць беларускіх студэнтаў ва ўніверсітэтах краіны
Акрамя гэтага, былі названыя самыя папулярныя кірункі навучання сярод беларусаў і іншых замежнікаў.
Паводле новай справаздачы адукацыйнага фонду Perspektywy, у Польшчы цяпер навучаецца 1,21 мільёна студэнтаў, 105 тысяч з якіх — замежнікі.
Сярод замежнікаў ёсць тры самыя вялікія групы: студэнты з Украіны, Беларусі і Турцыі, перадае Polskie Radio.
«Большасць складаюць украінцы — 48 100 чалавек, або 45,6% ад агульнай колькасці замежных студэнтаў. Далей ідуць беларусы — іх цяпер 12 тысяч, або 11,4%. Тройку прызёраў замыкаюць туркі з 3800 студэнтамі (3,6%)», — сказана ў новай справаздачы.
Усяго ж топ-10 па колькасці замежных студэнтаў у Польшчы выглядае цяпер так.
- Украіна
- Беларусь
- Турцыя
- Зімбабвэ
- Індыя
- Азербайджан
- Узбекістан
- Кітай
- Казахстан
- Нігерыя
«60% замежных студэнтаў вучацца на польскай мове, 37% — на англійскай, а ўсе астатнія — на розных іншых. Самымі папулярнымі кірункамі ў замежнікаў з'яўляюцца менеджмент, інфарматыка і медыцына», — піша Polskie Radio са спасылкай на справаздачу.
Нагадаем, што раней мы пісалі пра рост цэнаў на навучанне ва ўніверсітэтах Беларусі.
Каментары