Падрабязнасці трагедыі на Мінскім моры, дзе ў непагадзь загінула 19-гадовая дзяўчына
Віхор бушаваў учора на тэрыторыі Заслаўскага вадасховішча паблізу вёскі Зарэчча-1 Мінскага раёна. Моцны вецер паваліў дрэвы, праз што пацярпелі людзі.
Учора кампанія маладых людзей прыехала на пляж, каб адзначыць дзень нараджэння. У спецыяльна адведзеным месцы яны разбілі кемпінг. Але ўвечары надвор'е рэзка сапсавалася. Парывамі ветру вырвала дрэва, якое ўдарыла і прываліла 19-гадовую мінчанку. Ад атрыманых траўмаў яна памерла на месцы здарэння, паведамляе СК.
Пацярпелі яшчэ два чалавекі — 24-гадовая дзяўчына і 25-гадовы мінчанін. З траўмамі рознай ступені цяжкасці яны шпіталізаваныя.
У той вечар на беразе Мінскага мора адпачывала некалькі кампаній. Жанчына з іншай кампаніі апісвала pristalica.by, як рэзка змянялася надвор'е:
«Нічога не прадракала бяды. Смажылі шашлыкі, спявалі песні, любаваліся захадам сонца. Затым нечакана стала цямнець. Ужо тады разумелі, што пойдзе дождж, але вырашылі яго на месцы перачакаць. Знайшлі альтанку, у якую ўсе рэчы мы і перанеслі. Не прайшло і дзвюх хвілін, як усё пачалося… Усё пачало ўзлятаць праз моцны вецер. Ад страху мы ўсе зажмурваліся і прыкрывалі адно аднаго. Было вельмі страшна за сваё жыццё. Праз пару хвілін мы зразумелі, што альтанка, якая стала нашай хованкай, пачала падаць на нас. У нейкі момант мне ўжо стала складана дыхаць.
Нашы мужчыны выратавалі мяне і маю сяброўку. Яны сваімі спінамі прытрымлівалі рэшткі даху. Але выбрацца самастойна мы не змаглі пасля шторму. Іншыя адпачывальнікі заўважылі нас і пабеглі на дапамогу. Яны паднялі дах і мы змаглі выбрацца адтуль».
Мінскім раённым аддзелам Следчага камітэта па факце здарэння праводзіцца праверка. Высвятляюцца ўсе абставіны.
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя5
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары