гатовыя заплаціць гродзенцы ў ноч з 31 снежня на 1 студзеня.
гатовыя заплаціць гродзенцы ў ноч з 31 снежня на 1 студзеня.
Прыкладна палова катэджаў для сустрэчы Новага года ўжо занятая. Мне прапаноўвалі сядзібу на двое сутак для кампаніі ў дзесяць чалавек за трыста пяцьдзесят даляраў. Вольным аказаўся і дамок у Азёрах за тысячу даляраў. Чаму так дорага? «У мяне экстрым — з парылкі можна ныраць ў вадаём», — патлумачыў гаспадар. Іншы ўладальнік катэджа ў гэтай вёсцы запытаў такую ж суму. У параўнанні са звычайнымі днямі цана на святы падрасла амаль у дзесяць разоў. Няўжо нехта пагодзіцца плаціць такія грошы? Знайшлася жанчына, да якой ужо звярнуліся такія кліенты.
«Дадайце выдаткі на гірлянды, ліхтарыкі, елачныя ўпрыгожанні, палова з якіх будзе пабітая. Ваду, электрычнасць, дровы ніхто не эканоміць, дзверы адчыненыя насцеж, таму грэць даводзіцца вуліцу. У мінулым годзе пасля Новага года тыдзень рамонт рабілі — устаўлялі дзверы, фарбавалі сцены»,
— кажа яна. Тыя, хто паспеў заняць апартаменты загадзя, будуць плаціць менш. З пастаянных кліентаў гаспадыня катэджа запрасіла па трыццаць долараў з чалавека. Уладальнік дачнага дамка здаў яго за сто пяцьдзесят даляраў для кампаніі, яго знаёмы — на сто даляраў даражэй.
Танней можна адзначыць Новы год з 24 па 30 снежня. Як правіла, на гэты перыяд ўсталяваныя расцэнкі выхаднога дня. Кошты розныя — ад ста тысяч рублёў да ста пяцідзесяці даляраў і трохсот еўра за суткі.
Да свята гаспадары могуць толькі ўпрыгожыць дом і елку. Весяліць сябе на свяце кожны будзе сам. Арыгінальную праграму з катаннем на конях, лыжах, вогнішчам ў шатры прапанаваў уладальнік спартыўнай сядзібы. Шкада, што яна апынулася недзе пад Смаргонню.
Большасць кватэр на суткі на вечар 31 снежня пакуль не забраніраваныя. Іх гаспадары вызначаюцца з цэнамі і вырашаюць, ці будуць яны здаваць іх наогул. Некаторыя не пагодзяцца здаць апартаменты на Новы год нават за пяцьсот долараў. «Назвала гэтую суму проста, каб маладыя людзі адмовіліся. Але яны былі гатовыя плаціць і больш», — прызналася гаспадыня. Прычына простая — шумная кампанія можа разграміць кватэру.
Калі зроблены еўрарамонт, ўсталяваная дарагая бытавая тэхніка — святочная ноч прынясе толькі страты.
Многія апасаюцца здаваць кроўныя квадратныя метры нават для кампаній з чатырох-пяці чалавек і плануюць прымаць гасцей выключна для начоўкі. Цэны таксама кожны устанаўлівае свае: нехта збіраецца браць двайныя расцэнкі (цэнтр горада, кватэра «люкс» — ад 160 да 400 тысяч), нехта — здаваць па звычайным кошце (40-80 тысяч рублёў за кватэру з еўрарамонтам).
Параіць можна адно: пра арэнду дома або кватэры варта паклапаціцца ўжо зараз. Бо часам уладальнікі нерухомасці спецыяльна чакаюць пераднавагодняга ажыятажу, каб накруціць максімальную цану для позніх кліентаў.
Цяпер чытаюць
Лукашэнка знайшоў незвычайныя словы для спачування Хаменеі: «вераломная атака»20
Каментары