Урад Лівана абвясціў «Хезбалу» па-за законам і прапанаваў Ізраілю перамовы
Бейрут афіцыйна забараніў любую ўзброеную дзейнасць групоўкі «Хезбала» на тэрыторыі краіны і заявіў пра гатоўнасць да дыпламатычнага дыялогу з Ізраілем пры міжнароднай падтрымцы.
Ліван выказаў намер аднавіць дыялог з Ізраілем пры падтрымцы міжнародных пасярэднікаў і з удзелам цывільных экспертаў. Таксама Бейрут афіцыйна забараніў любую ўзброеную дзейнасць групоўкі «Хезбала».
Гэтыя крокі накіраваныя на выкананне ўмоў перамір'я і спыненне маштабнай эскалацыі ў рэгіёне.
Рашэнне Бейрута было агучана пасля таго, як ізраільскія ВПС і ВМС нанеслі масіраваныя ўдары па дзясятках камандных пунктаў «Хезбалы», большасць з якіх знаходзілася ў прыгарадах ліванскай сталіцы.
Ізраіль назваў атаку адказам на начныя ракетныя абстрэлы сваіх паўночных тэрыторый. Цяперашняя ініцыятыва ліванскага ўрада разглядаецца як спроба спыніць баявыя дзеянні і вярнуць кантроль над бяспекай у краіне ў рукі афіцыйнай арміі.
«Хезбала» — гэта магутная шыіцкая арганізацыя і ваенізаваная група, якая карыстаецца значнай падтрымкай Ірана і доўгі час кантралявала поўдзень Лівана незалежна ад афіцыйных уладаў. У многіх краінах свету яна прызнаная тэрарыстычнай арганізацыяй. «Хезбала» прапагандуе і практыкуе ваенны джыхад, выступае за знішчэнне Ізраіля.
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары